ਦਰਦ

ਦਿਲ ਸਮੁੰਦਰ ਵਿਚਲੇ ਮੋਤੀ, ਕਈ ਵਾਰ ਕਿਨਾਰੇ ਆ ਜਾਂਦੇ,
ਪਰ ਮੇਰੇ ਦਿਲ ਵਿਚ ਜੋ ਕੁਝ ਭਰਿਆ , ਸਭ ਕੁਝ ਮੈਂ ਕਹਿ ਸਕਦਾ ਨਹੀਂ |

ਸਰਦ ਜਿਹਾ ਇਕ ਦਰਦ ਜਿਗਰ ਦਾ, ਤੇਜ਼ਾਬ ਜਿਹੇ ਹੰਝੂ ਮੇਰੇ,
ਹੌਲੀ ਹੌਲੀ ਟੁੱਟਦਾ ਦਿਲ ਹੁਣ, ਹੋਰ ਤੇ ਮੈਂ ਸਹਿ ਸਕਦਾ ਨਹੀਂ |

ਤੇਰੇ ਬਾਝੋਂ ਸੁੰਨੀ ਦੁਨਿਆ, ਸੁੰਨਾ ਚਾਰ ਚੁਫੇਰਾ ਏ,

ਕਿੰਝ ਸਮਝਾਵਾਂ ਦਿਲ ਆਪਣੇ ਨੂੰ, ਜੋ ਤੇਰੇ ਬਿਨ ਰਹਿ ਸਕਦਾ ਨਹੀਂ |

ਪਰ ਰਿਸ਼ਤੇ ਹੋਰ ਬਥੇਰੇ ਨੇ, ਇੱਕ ਮਾਸ਼ੂਕਾ ਤੋਂ ਹੱਟਕੇ ਵੀ,

ਤੇਰੇ ਪਿਆਰ ਇੱਕਲੇ ਖ਼ਾਤਿਰ, ਸਭ ਕੁਝ ਛੱਡ ਬਹਿ ਸਕਦਾ ਨਹੀਂ |

ਹੋਰ ਦਰਦ ਵੀ ਸੀਨੇ ਵਿਚ ਨੇ, ਅੱਖਾਂ ਵਿਚ ਜੋ ਕੱਠੇ ਨੇ,
ਪਰ ਮੇਰੀ ਅੱਖ ਦਾ ਰੁਕਿਆ ਹੰਝੂ , ਸਭ ਅੱਗੇ ਵਹਿ ਸਕਦਾ ਨਹੀਂ |

ਮੇਰੇ ਦਿਲ ਵਿਚ ਜੋ ਕੁਝ ਭਰਿਆ , ਸਭ ਕੁਝ ਮੈਂ ਕਹਿ ਸਕਦਾ ਨਹੀਂ |