ਅੱਜ ਦੇ ਆਸ਼ਿਕ਼

ਮੈਂ ਰਾਂਝਾ ਮੈਂ ਰਾਂਝਾ ਯਾਰੋ, ਮੈਂ ਰਾਂਝਾ ਮੈਂ ਰਾਂਝਾ ।
ਮਝੀਆਂ ਹੋਰ ਚਰਾ ਨਹੀਂ ਸਕਦਾ,
ਰਾਂਝਾ ਚਾਕ ਕਹਾ ਨਹੀਂ ਸਕਦਾ,
ਇੱਕੋ ਹੀਰ ਦੇ ਪਿਛੇ ਲਗਕੇ,
ਸਾਰੀ ਉਮਰ ਗੁਆ ਨਹੀਂ ਸਕਦਾ,
ਮੈਂ ਆਸ਼ਿਕ਼ ਸਭ ਦਾ ਸਾਂਝਾ,
ਯਾਰੋ ਮੈਂ ਰਾਂਝਾ ਮੈਂ ਰਾਂਝਾ, ਯਾਰੋ ਮੈਂ ਰਾਂਝਾ ਮੈਂ ਰਾਂਝਾ ।

ਮੈਂ ਹੀਰ ਮੈਂ ਹੀਰ, ਨੀ ਸਖੀਓ ਮੈਂ ਹੀਰ ਮੈਂ ਹੀਰ ।
ਲੁੱਕ ਲੁੱਕ ਚੂਰੀ ਮੈਂ ਨਹੀ ਕੁੱਟਦੀ,
ਮਾੜੇ ਰਾਂਝੇ ਵੱਲ ਅਖ ਨਹੀਂ ਚੁੱਕਦੀ,
ਘੱਟੋ ਘੱਟ ਇੱਕ ਕਾਰ ਤੇ ਹੋਵੇ,
ਪੈਦਲ ਹੁਣ ਮੈਂ ਪੈਰ ਨਹੀਂ ਪੁੱਟਦੀ,
ਪੈਸਾ ਪਹਿਲਾਂ ਪਿਆਰ ਅਖੀਰ,
ਮੈਂ ਹੀਰ ਮੈਂ ਹੀਰ, ਨੀ ਸਖੀਓ ਮੈਂ ਹੀਰ ਮੈਂ ਹੀਰ ।

ਮੈਂ ਮਜਨੂੰ ਮੈਂ ਮਜਨੂੰ, ਯਾਰੋ ਮੈਂ ਮਜਨੂੰ ਮੈਂ ਮਜਨੂੰ ।
ਕਿਹੜਾ ਮੈਨੂੰ ਮਾਰੂ ਵੱਟੇ,
ਆਜੇ ਕੋਈ ਚੱਕ ਦਊਂ ਫੱਟੇ,      
ਕਿਸੇ ਵੀ ਲੈਲਾ ਪਿਛੇ ਹੁਣ ਤੇ,
ਯਾਰ ਹੋਰੀਂ ਨਹੀਂ ਜਾਂਦੇ ਚੱਕੇ,
ਪਿਆਰ ਆਪਣਾ ਮੈਂ ਵੰਡਾਂ ਸਭਨੂੰ,
ਮੈਂ ਮਜਨੂੰ ਮੈਂ ਮਜਨੂੰ, ਯਾਰੋ ਮੈਂ ਮਜਨੂੰ ਮੈਂ ਮਜਨੂੰ ।

ਮੈਂ ਲੈਲਾ ਮੈਂ ਲੈਲਾ, ਸਖੀਓ ਮੈਂ ਲੈਲਾ ਮੈਂ ਲੈਲਾ ।
ਮਜਨੂੰ ਪਿਛੇ ਫਿਰਨ ਬਥੇਰੇ,
ਅੱਗੇ ਪਿਛੇ ਲਾਂਦੇ ਗੇੜੇ,
ਕੀਹਦਾ ਕੀਹਦਾ ਮਾਣ ਮੈਂ ਰਖਾਂ,
ਸਮਝ ਨਾ ਆਵੇ ਕੁਝ ਵੀ ਮੇਰੇ,
ਹੁਣ ਤੇ ਯਾਦ ਨਹੀਂ ਪਿਆਰ ਵੀ ਪਹਿਲਾ,
ਮੈਂ ਲੈਲਾ ਮੈਂ ਲੈਲਾ, ਸਖੀਓ ਮੈਂ ਲੈਲਾ ਮੈਂ ਲੈਲਾ ।  
 
    

ਇਸ਼ਕ਼

ਕੋਈ ਆਖੇ ਇਸ਼ਕ਼ ਕਮੀਨਾ ਕੋਈ ਆਖੇ ਰਿਸ੍ਕੀ,

ਕਿਸੇ ਲਈ ਇਹ ਅਮ੍ਰਿਤ ਦਾ ਘੁੱਟ ਕਿਸੇ ਲਈ ਇਹ ਵ੍ਹਿਸ੍ਕੀ ।

ਦਿਲ ਜਿਸਦਾ ਲਗ ਜਾਵੇ ਕਿਧਰੇ ਓਹਦੀ ਬੱਲੇ ਬੱਲੇ,

ਕੱਲੇ ਦਿਲ ਵਾਲੇ ਲਈ ਜਿੰਦਗੀ ਬਣ ਜਾਂਦੀ ਇੱਕ ਸਿਸਕੀ ।

ਯਾਰ ਖੁਦਾ ਮਹਬੂਬਾ ਰੱਬ ਹੀ ਬਣ ਜਾਂਦੇ ਨੇ ਯਾਰੋ,

ਹਰ ਪਾਸੇ ਫਿਰ ਸੂਰਤ ਲੋਕੋ ਰਹਿੰਦੀ ਯਾਰ ਦੀ ਦਿਸਦੀ ।

ਜਿਸਦੀ ਮਹਬੂਬਾ ਮੰਨ ਜਾਵੇ ਓਹਦੀਆਂ ਲਹਿਰਾਂ ਬਹਿਰਾਂ, 

ਰੁੱਸ ਬੈਠੇ ਜਿਸਦੀ ਓਹਦੇ ਪੈਰੋਂ ਹੇਠ ਜ਼ਮੀਨ ਵੀ ਖਿਸਕੀ ।

    

 

ਮੇਰੇ ਯਾਰ

ਕੁਝ ਯਾਰ ਮੇਰੇ, ਦਿਲਦਾਰ ਮੇਰੇ,
kujh yaar mere dildar mere,
ਕੁਝ ਦਿਲ ਦੇ ਅੰਦਰ ਬਾਹਰ ਮੇਰੇ ।
kujh dil de andar bahar mere.

ਇੱਕ ਯਾਰ ਮੇਰਾ ਏ ਰੱਬ ਵਰਗਾ,
ikk yaar mera e rabb warga,
ਕੁਝ ਨਾਮ ਏ ਓਹਦਾ ਪ੍ਰਭ ਵਰਗਾ,

kujh naam e ohda Prabh warga,
ਕਰਦਾ ਦਿਲ ਦੀ ਓਹ ਗੱਲ ਸਦਾ,
karda dil dee o gall sadaa,

ਸਮਝੇ ਦਿਲ ਦੇ ਤਾਰ ਮੇਰੇ,
samjhe dil de taar mere,

ਕੁਝ ਯਾਰ ਮੇਰੇ, ਦਿਲਦਾਰ ਮੇਰੇ,

ਕੁਝ ਦਿਲ ਦੇ ਅੰਦਰ ਬਾਹਰ ਮੇਰੇ ।

ਇੱਕ ਸ਼ਰਮਾ ਜੀ, ਇੱਕ ਵਰਮਾ ਜੀ,
ikk Sharma je, ikk Verma ji,

ਇਹਨਾਂ ਦੇ ਕੀਤੇ ਕਰਮਾਂ ਜੀ,
ihna de keeta karma jee,

ਜਿਹਨਾਂ ਦੇ ਸਦਕਾ ਡਿਗਰੀ ਏ,
jihna de sadkaa degree e,

ਨਹੀਂ ਲਾਂਦੇ ਕਾਲਜ ਬਾਹਰ ਰੇਹੜੇ,
nahin laande college bahar rehde,

ਕੁਝ ਯਾਰ ਮੇਰੇ, ਦਿਲਦਾਰ ਮੇਰੇ,

ਕੁਝ ਦਿਲ ਦੇ ਅੰਦਰ ਬਾਹਰ ਮੇਰੇ ।

ਪ੍ਰੀਤ, ਕ੍ਰਿਸ਼ਨ ਤੇ ਚੀਨੂੰ ਸਿੰਘ,
Preet, Krishan te Cheenu Singh,

ਤਿੰਨ ਇਹ ਵੀ ਯਾਰ ਪੁਰਾਣੇ ਨੇ,
tinn eh vee yaar purane ne,

ਗੱਲਬਾਤ ਤੇ ਘੱਟ ਵਧ ਹੁੰਦੀ ਏ,
gall baat te ghatt vaddh hundi e,

ਪਰ ਫਿਰ ਦਿਲ ਵਿਚ ਯਾਦ ਮੇਰੇ,
par fir vee dil vich yaad mere,

ਕੁਝ ਯਾਰ ਮੇਰੇ, ਦਿਲਦਾਰ ਮੇਰੇ,

ਕੁਝ ਦਿਲ ਦੇ ਅੰਦਰ ਬਾਹਰ ਮੇਰੇ ।

ਦੋ ਜਾਣੇ ਆਪਣੇ ਯਾਰ ਨਵੇਂ,
do jane apne yaar navein,

ਜੋਹ੍ਲਾਂ ਤੇ ਲ੍ਧੇਵਾਲੀ ਤੋਂ,
Johlan te laddhewali ton,

ਇੱਕ ਨੰਬਰ ਦੇ ਜੁਗਾੜੁ ਨੇ,
ikk number de jugadoo ne,

ਕੰਮ ਦਿੰਦੇ ਸਾਰੇ ਸਾਰ ਮੇਰੇ,
kamm dinde saare saar mere,

ਕੁਝ ਯਾਰ ਮੇਰੇ, ਦਿਲਦਾਰ ਮੇਰੇ,

ਕੁਝ ਦਿਲ ਦੇ ਅੰਦਰ ਬਾਹਰ ਮੇਰੇ ।

ਕੁਝ ਦਿੱਲੀ ਵਾਲੇ ਦੋਸਤ ਵੀ ਨੇ,
kujh Dilli wale dost vee ne,

ਅੰਸ਼ੁ, ਮਿਸ਼੍ਰਾ, ਅਤ੍ਰੀ, ਜੱਗੀ,
Anshu, Mishra, Atri, Jaggi,

ਭਾਵੇਂ ਨੇ ਰਹਿੰਦੇ ਦੂਰ ਬੜਾ,
bhavein rehnde ne door bada,

ਫਿਰ ਵੀ ਖੜੇ ਨੇ ਨਾਲ ਮੇਰੇ,
fir vee khade ne naal mere,

ਕੁਝ ਯਾਰ ਮੇਰੇ, ਦਿਲਦਾਰ ਮੇਰੇ,

ਕੁਝ ਦਿਲ ਦੇ ਅੰਦਰ ਬਾਹਰ ਮੇਰੇ ।

ਪ੍ਰਭਜੀਤ, ਅਤੁਲ ਤੇ ਸੰਨੀਂ ਬਾਈ,
Prabhjeet, Atul te Sunny bai,
ਗੁੜਗਾਓੰ ਰਹੇ ਬਣ ਬਾਪ ਮਾਈ,
Gurgaon rahe ban baap mayi,
ਫਿਰ ਓਥੇ ਰਹਿਣਾ ਔਖਾ ਸੀ,
fir otthe rehna aukha see,
ਜੇ ਇਹ ਨਾ ਹੁੰਦੇ ਨਾਲ ਮੇਰੇ,
je ih na hunde naal mere,

ਕੁਝ ਯਾਰ ਮੇਰੇ, ਦਿਲਦਾਰ ਮੇਰੇ,

ਕੁਝ ਦਿਲ ਦੇ ਅੰਦਰ ਬਾਹਰ ਮੇਰੇ ।

ਇੱਕ ਭੱਲਾ ਤੇ ਸਮ੍ਤਾਨੀ ਨੂੰ,
ikk Bhalla te Samtani nu,

ਕਿਵੇਂ ਦੱਸੋ ਮੈਂ ਭੁੱਲ ਜਾਵਾਂ,
kiven dasso mai bhull java,

ਇਹ ਦੋਵੇਂ ਯਾਰ ਪੁਰਾਣੇ ਨੇ,
ih dovein yaar purane ne,

ਇਹ ਦੋਵੇਂ ਚਿਠੀ ਤਾਰ ਮੇਰੇ,
ih dovein chitthi taar mere,

ਕੁਝ ਯਾਰ ਮੇਰੇ, ਦਿਲਦਾਰ ਮੇਰੇ,

ਕੁਝ ਦਿਲ ਦੇ ਅੰਦਰ ਬਾਹਰ ਮੇਰੇ ।

ਕੁਝ ਕੁੜੀਆਂ ਵੀ ਨੇ ਜਿੰਦਗੀ ਵਿਚ,
kujh kudiya vee ne zindagi vich,

ਸ੍ਤ੍ਪ੍ਰੀਤ, ਪੱਲਵੀ ਤੇ ਨੈੰਸੀ,
Satpreet, Pallavi te Nancy,

ਜਦ ਮੈਂ ਉਦਾਸ ਹੋ ਜਾਂਦਾ ਹਾਂ,
jad mai udas ho jaanda haan,

ਇਹ ਛੇੜਨ ਦਿਲ ਦੇ ਤਾਰ ਮੇਰੇ,
ih chedan dil de taar mere,

ਕੁਝ ਯਾਰ ਮੇਰੇ, ਦਿਲਦਾਰ ਮੇਰੇ,

ਕੁਝ ਦਿਲ ਦੇ ਅੰਦਰ ਬਾਹਰ ਮੇਰੇ ।

ਇੱਕ ਹੋਰ ਨਾਮ ਵੀ ਚੇਤੇ ਹੈ,
ikk hor naam vee chete hai,

ਸ਼ਾਇਦ ਓਹਦਾ ਨਾਂ ਰੋਹਿਤ ਹੈ,
shayad ohda naa Rohit hai,

ਜੇ ਕਦੇ ਮੈਂ ਝਿੜਕ ਦਿਆਂ ਓਸਨੂੰ,
je kade main jhidak deya ohnu,

ਕਹਿੰਦਾ ਬਖਸ਼ੋ ਸਰਕਾਰ ਮੇਰੇ,
kehnda baksho Sarkar mere,

ਕੁਝ ਯਾਰ ਮੇਰੇ, ਦਿਲਦਾਰ ਮੇਰੇ,

ਕੁਝ ਦਿਲ ਦੇ ਅੰਦਰ ਬਾਹਰ ਮੇਰੇ ।

Facebook

ਕਲ ਮੈਂ ਫੇਸਬੁੱਕ ਤੇ ਦੇਖਿਆ ਯਾਰੋ ਓਹਨੇ ਵਿਆਹ ਕਰਵਾ ਲਿਆ ਏ,
ਮੇਰੇ ਦਿਲ ਦਾ ਔਖਾ ਸੀ, ਪਰ ਓਹਨੇ ਦਿਲ ਸਮਝਾ ਲਿਆ ਏ ।

ਨਾ ਹਾਸੇ ਨਾ ਰੋਣਾ ਪੱਲੇ, ਕੀ ਔਖਾ ਹੋ ਜਾਣਾ ਝੱਲੇ,
ਪੜ੍ਹ ਕੇ ਓਹਦਾ ਨਵਾਂ ਸ੍ਟੇਟਸ, ਧਰਤੀ ਖਿਸਕੀ ਪੈਰੋਂ ਥੱਲੇ,
ਓਹਦੀ ਵਾਲ ਨੂੰ ਦੇਖ ਕੇ ਅਖਾਂ ਅੱਗੇ ਨ੍ਹੇਰਾ ਛਾ ਗਿਆ ਏ,  
ਕਲ ਮੈਂ ਫੇਸਬੁੱਕ ਤੇ ਦੇਖਿਆ ਯਾਰੋ ਓਹਨੇ ਵਿਆਹ ਕਰਵਾ ਲਿਆ ਏ ।

ਨਾਮ ਕਿਸੇ ਦੇ ਹੋਰ ਦਾ ਚੂੜਾ, ਲਹਿੰਗੇ ਦਾ ਰੰਗ ਲਾਲ ਵੀ ਗੂੜਾ,
ਸੱਜ ਸੰਵਰ ਕੇ ਬੰਨ ਠੰਨ ਕੇ, ਤੇ ਉੱਤੋਂ ਮੇਕਅਪ ਕੀਤਾ ਪੂਰਾ,
ਪੂਰੀ ਐਲਬਮ ਅਪਲੋਡ ਕਰਕੇ , ਦਿਲ ਤੇ ਛੁਰਾ ਚਲਾ ਲਿਆ ਏ,
ਕਲ ਮੈਂ ਫੇਸਬੁੱਕ ਤੇ ਦੇਖਿਆ ਯਾਰੋ ਓਹਨੇ ਵਿਆਹ ਕਰਵਾ ਲਿਆ ਏ ।

ਨਾਲ ਖੜੀ ਇੱਕ ਸੁਘੜ ਸਹੇਲੀ ਮੇਰੇ ਲਈ ਜੋ ਬਣੀ ਪਹੇਲੀ,
ਜਾਣ ਵਾਲੀ ਤੇ ਚਲੀ ਗਈ ਏ, ਮੇਰਾ ਹੁਣ ਨਾ ਕੋਈ ਬੇਲੀ

ਤੂੰ ਨਹੀਂ ਤੇ ਹੋਰ ਸਹੀ, ਇਹ ਸੋਚ ਕੇ ਦਿਲ ਪਰਚਾ ਲਿਆ ਏ,

ਕਲ ਮੈਂ ਫੇਸਬੁੱਕ ਤੇ ਦੇਖਿਆ ਯਾਰੋ ਓਹਨੇ ਵਿਆਹ ਕਰਵਾ ਲਿਆ ਏ ।